اليبى الصح

كيف تعرفى ولد بلادك

1- اذا كان سمعت حد يقول شن الجو , صقع عليك........فهذا بالتاكيد الشخص ليبي

2-اذا كان لقيته شاد مكياطة في يد وفي اليد التانية سبسي ....فهذا بالتاكيد الشخص ليبي

3-اذا كان عطاك موعد وجاك بعد ساعة او ساعتين ....فهذا بالتاكيد الشخص ليبي

4-اذا كان قالك خمسة دقايق وقعد ساعتين.....فهذا بالتاكيد الشخص ليبي

5-اذا كان قالك شبوب والنبي ولعة ...والنبي سبسي....فهذا بالتاكيد الشخص ليبي

6-اذا كان لقيت في ايده باكو متكوب عليه رياضي.....فهذا بالتاكيد الشخص ليبي

7-كان قالك علي بنت خاطمة مصطلح غريب اول مرة تسمعه... زي بعيصة.....فهذا بالتاكيد الشخص ليبي

8-وكان قالك شبوب ممكن العكشة.....ولا تعكشلي...فهذا بالتاكيد الشخص ليبي

9-كانك علي شط البحر ولقيت واحد رادم دلاعة علي الشط ولا صندوق مشروب .. فهذا بالتاكيد الشخص ليبي

10-كان بدي يبي ينكت ....يقولك مرة في واحد .......مع احترامي فهذا بالتاكيد الشخص ليبي

11-كان لقيت واحد يقول للبيجو 404 موديل75 عكارية او قلع ....فهذا بالتاكيد الشخص ليبي

12-كان بدي يهدرز علي العائلة الكريمة وقالك الشيباني -علي بوه-...والعزيز-علي امه -...فهذا بالتاكيد الشخص ليبي

13-كان طقطق عليك واحد من الجيران وقالك تسلم عليك امي وقالتلك حكة طماطم ....ولا حكة زيت ...شوية ملح.....فاعلم ان جيرانك ليبين

14-كان لقيت بنية صغيرة تغني عيلة ياعيلة...هذي ماتحكش فيها راسك بكل بالتاكيد ليبية

15-كان سالت واحد وقلتله شن اكتر اكلة تحبها وقالك بازين..ولا مكرونة امكبكة ....فهذا بالتاكيد الشخص ليبي

واخيرا وليس آخرا افتخر باني ليبي والحمد لله اني جيت ليبي .... وصدق اللي قال

كان ماجيتش ليبي راهو فاتك الجو كله

هههههههههههههههههه

مشكورة علي الموضوع اختي نونى

مشكوره نوني ع الموضوع
بالتأكيد نفتخروا بأننا ليبين

اكيد حتى انا نفتخر انى ليبيا

مشكورين على المرور

مشكووورا
عندك ولعه ؟؟؟؟
ههههههههههههههههههه

مشكوووووووووووره عالموضوع

وبالتوفيق

مشكووووووووره

تاااانكس على موضوع

رغم هدا كله لكن انى ليبى ونفتخر انى ليبى
هدى قشور لكن المعدن صقع هدى مصطلح ليبى هههههههههه
مشكوره على الموضوع

و انى متفقة معاك
اللى ماجاش ليبى
فاته الجو كله

مشكوره

مشكورين على المرور

هههههههههههههه

حلووووووووووووووووووووة

اكيد كولنا فخورين باننا لبيين